සිතුවිල්ල...............

සිතට නැගෙනා නොයෙක් සිතුවිලි

ගගක් සේ ඔහෙ ගලා යන විට

තෙළිතුඩින් නෙක සහය දුන්නා

තව තවත් එය ඔප කරන්නට

දුකක් හෝ සතුටක් දැනුන තැන

කියා ගන්නට නොහැකි වූ විට

සහය දුන්නේ තෙළිතුඩයි මට

කවක් ලෙස එය නිම කරන්නට

පලිගන්න හෝ රිදවන්න සිත්

කිසිම විටකදි නොවී අවියක්

දයාබර ලෙස ගොතා කවියක්

සිතුවිල්ලකට දුනි නිමාවක්.

සිතක මහිම

සිප් සතර ඉගෙන ගෙන

සරසවිය වෙත යන්න

මැවු සිහින මාලිගා

වියකිලා ගිහිල්ලා

අසහනය සිත වෙලා

ගතට පීඩා දැනී

කාලය ගෙවී යයි

ඉබිගමනෙ වේගයෙන්

සිතට හැගෙනා පරිදි

වියදමක් දරන්නට

අතේ නැත සතේ ඇගෙ

වි‍රැකියාවෙන් පෙලෙන

අසහනය වැඩිවෙලා

රැකියාවක් සොයා

ගිය ගමන වැරදිලා

නැවත පිය මං කලා

සිත රැදුනු කිසිදෙයක

ආසාව නිමා කොට

හෙට දවස ගෙවිමට

සිතට නැගුනේ ඇයට.........

බොද වු පැතුම්

රතට රතේ එරබදු මල්
පිපී සුවද හමන අතරෙ
කොහෝ කොහෝ හඩ නගමින්
පවසයි අවුරුදු එන බව

අලුත් ඇදුම් අරගන්නට
කෑම බීම පිසගන්නට
වේලාසන වෙළද පොලට
පියනගන්න සිතුනා මට

වේතනයට අමතර දෙන‍
අත්තිකාරමය ගැන සිතමින්
කල් ඇරියා එය ගන්නට
බලාපොරොත්තුව තබමින්

නොසැලකිල්ල නිසාම දෝ
මගෙ නම නැත කොතනැකවත්
දුකක් සිතිනි හීන් හඩින්
හීල්ලුනා ම‍ට නොදැනිම

කිසිවෙකුටත් කිසිම දිනක
කර නැත්තෙමි වරදක් නම්
ඔබගෙ වගේමයි මගෙ සිත
ගලක් නොවෙයි කිසිම විටෙක

කරන්න හැකිනම් හැමවිට
සේවය පරගැතිව නිතර
රාජ්‍ය සේවය එය වේ
සිතට ගන්න නිතර සබද

අනුන්ගෙ සිත් රිදවන එක
අනුන්ට දොස් තියනා එක
හරිම කැතයි නිතර ඒක
සිතුවෝතින් හොදයි ඒක

තුති පුදමි ඔබට.... මෙලෙස

පාලු හුදකලාවෙන්
ගෙවන යම් මොහොතකට
විරාමය තබන්නට හැකිවුනා
බ්ලොග් අඩවියෙන්‍
සිතට නැගෙන සිතුවිල්ලක්
අකුරුකර ලියන්නට
හුරුව දුන්නා නිබද
ගුරුතුමෙකු ලෙසින් ඔබ
වයසින් බාලමුත් ඔබ
නිබද ඇදුරෙකි මට
සදාකල් මතකයේ
තිබෙයි එය නිබදවම
ජය පතමි ඉත සිතින්
ඔබට මේ විලස මම.........

ආදරවන්තයින්ගේ දිනය

සොදුරු වු යොවුන් විය
ගෙවන මේ යොවුන් කැල
සමරන්න යොදා ඇත
වසරකට එක් දිනක්
සැබෑ ආදරයකට
කල හැකිද ඒ ලෙසට
හෙට දිනේ යොවුන් විය
පහව ගිය විටක ඔබ
තබයිනම් විරාමය
ලැබැදි ඒ සෙනෙහසට
සමරන්නෙ කෙලෙසකද
වැලන්ටයින්ගේ දිනය
කරුනු අවබෝධයෙන්
වැඩකලොත් සබද ඔබ
සමරන්න හැකිවේය
හැමදාම මේ දිනය

සිත හැඩුවදා.....

ගිරවියක සේ නිබද - තොරතෝංචිය නැතුව
කියු ඒ වදන් වැල් - අපගෙ සිත් සැනසුවා

මුවපුරා නැගුන ඒ - සොදුරු වූ සිනාවන්
දෝංකාරය නගයි - පාලු බව දුරලමින්

එහෙත් ඒ සොදුරු ලොව - කඩා බිද දැමුව දා
හඩා වැටුනා මහද - දරාගෙන වේදනා

රෝහලේ ඇදේ සිට - වේදනා ඉවසගෙන
සිටි අයුරු දැක තවත් - හද පලා යනු දැණින

තනිව නම් කිසි දිනක - වෙන් නොයනු මැන දුවේ
මගේ ආයුත් රැගෙන - ජීවිතය ගනු දුවේ

නිබදවම පැතුව ඒ - අහිංසක පැතුම් පොදි
ඉටුකරල දුන්න ඔබ - රත්තරං මගෙ දුවේ...

කුරිරු ඇයි මේ තරම්...............

කොයිතරම් කැපවෙලා
කලත් සේවය නිබද
කොහෙන් හෝ වැරැද්දක්
නැගෙයි දවසට වරක්

සිතට නැත සහනයක්
ගතට ඇත විඩාවක්
පෙනෙන තෙක් මානයක
නොමැත එහි නිමාවක්

කේලාම් වලට නෙක
ඇත්තේ මුල් පිටුව අද
නොකියනා අයට ඇත
පිටුවෙ අවසානයද

ගැටුම් ඇතිකරන්නට
කැමති අය ඇත බොහෝ
පීඩිතව ගෙවයි අද
රිදවමින් සිත බොහෝ

මොහොතකට විනෝදය
ලෙස සිතුව මුත් ඒක
පාපයක් වෙයි නිබද
නොසිතනා ලෙස නේක